擦鞋。

真係唔知可以講咩好。



擦鞋唔係問題，但擦到神憎鬼厭的時候，就會令人覺得好很煩。

老師教授講咩都笑，笑到又喘氣又震晒高潮咁款，雖然都好煩，但最多都係嘈住我上堂，我當你笑點低，我大人有大量我算。

但文字學就頂你唔順已經。明明上午下午兩班教的東西都一樣，甚至其實下午果班仲有著數，因為教授鍾意果班，下午果班你又唔係冇得上，而且你又唔會唔上，做咩係都要去我地上午班上堂？

好學唔係問題，sitting in我都會，但前提係唔會打擾到原本上堂果班人。我地對上果堂又未落堂次次去到文字學個班房就見到一大堆人，成堆下午班嘅人大都走黎我地上午班上堂，坐晒我地啲位，搞到原本上午果班嘅人反而冇位坐，咁會唔會太過份呢？

好啦，今日星期日，人地year 4畢業關你春事？會特登返去同year 4影相，真係唔知可以講咩好，我只能說我輸了。OK只係我又睇唔順眼，只係我唔明，識得高year點解會好似好威咁？

又有啲人，facebook friends就當係朋友，三唔識七，只不過係人地有post係facebook，就好似真係自己朋友做過咩咁好威威走黎同我講我個fd點點點，真係拜拜你條尾。

唉算了，我繼續餵我隻草泥馬好過。