處境喜劇。

是咁的。處境喜劇套套幾十集，重用橋段在所難免，但隔幾集就誤會一次，隔幾集又誤會一次，計計埋埋，一套劇裡面嘅男角色年中比人誤會n次，真可以說是男人真命苦。

大佬啊，你唔悶我都悶啦！



即係咁，其實每套處境喜劇一開始都幾好睇，例如而家呢套《返屋企》因為之前一直都係公司題材，所以最初果陣又真係幾溫馨，不過係只限最頭果十集左右。之後來來去去都係果幾種劇情嘅時候，除咗郭少芸做正常人仲有拖拍令我覺得算係有睇頭之外(印象中佢之前一直都係做搞笑奸角or低級奸角)，套劇真係悶到令人想轉台......

我覺得，好似當年套《皆大歡喜》借下古諷下今咁咪幾好，重點係有「諷」呀嘛，《頭條新聞》太多政治唔想睇，而果套老表甚麼的，只不過係用大陸人做素材之一，結果似幫大陸人洗白多，睇到一半就睇落去。

雖然道具有時係會搞笑咗啲，但睇得出毛線係古裝劇係講究咗好多，而且明顯腐女勢力已經入侵無線，好多套都基情四射，再咁落去師奶分分鐘會成為新力軍......

而家咁多比你玩嘅題材，又內地人搶物資又地產霸權，怨氣咁大，一定好多人覺得正。