邪氣有時

雖然我唔係好明「邪氣」同「文字，應該是發乎心」有咩關係，但我大約都知道，粗口這回事，我成日都講，但都要睇場合。你話我虛偽我都係咁講。就好似，即使我好想唱，但我唔會係xx週年晚會上，老闆面前表演「是龜也是頭」、寫詩做功課，題目係「新春」但你就寫叫春咁解。

而個「撚」字，本是把玩之意，不過比人「本無其字，依聲托事」咗咁解，所以我相信用得好，考評局係唔會扣你分。

而王勃的《滕王閣序》(唔係藤)，是很動靜結合，唏噓味是很濃厚，但「毫無雕琢之味」嘛(笑)，人地句句都雕，雕到徐孺子都要縮一個字夾硬寫做「徐孺下陳蕃之榻」，所以......

但後面見到句「只能嗟嘆，近年除了向西及韓寒的作品，看得入眼都不算多」，我真心笑咗出黎，然後想起一句「偶爾也會自稱『偽文青』，但那樣說正是為了表現自己是個真文青，而且我覺得效果比自稱真文青要好」。