七月廿一日晚上。

「你行得正企得正，冇犯法點會比人拉？」

係囉，咁點解大家今晚都早收工？唔單單係普通公司喎？就連康文署啲運動場都提早閂門喎？作為一個良好市民，作為一個相信警察可以除暴安良嘅市民，應該對香港政府有信心先啱架。


今日大家會早收工，唔係因為冇咗警察，而係寧願信自己早啲返屋企會安全啲，都信唔撚過你班冇撚柒用嘅警察，係老闆都覺得你地冇撚用，覺得黑社會惡撚過你地啊垃圾。

而家你地屎就食硬架啦，當晚元朗附近有咩問題，有咩得失，都可以瀨晒落警察到；另一方面，警察交到人就係「傾掂數」，交唔到人就更加係「冇柒用」，甚至，你交到個幕後黑手出黎﹐大家都只會覺得某黑手被捨棄。你地嘅形象就係差到，做咩都無法挽救形象。曾經我有同情過警察，well，形象嘅嘢，一個就翹起你全家。

其實我好想知，到底係邊個出埋啲屎橋，明知香港人就係「總之暴力就唔啱」，明知而家咁多人隨手就可以拍片，比人打緊都可以拍片，有片有證據，都出動咁多白衣人打人。

然後搞笑嘅係，聲稱自己路過現場的何先生，一副氣定神閒，一副口裡說沒有其實係人都知但你吹我唔脹的神氣樣子。

會唔會係大肚婆自己跣親﹐真係一個好問題。

我個logic就咁：

當何君堯就係西環契仔嘅時候，咁可以理解成，佢係被中聯辦相中、覺得唔錯嘅人選啦？咁即係可以理解成，何君堯嘅水平，就係中聯辦水平(最起碼咁上下)啦？咁佢果種當全世界白痴我係咁二交代兩句你地就好收皮，總之我做咩都唔會有事嘅態度。

咁你仲叫我覺得送中冇問題？

仲有，警察聲稱自己會「不畏懼、不徇私、不對他人懷惡意、不敵視他人及忠誠、努力的態度行使職權，執行職務」，除咗「不畏懼」三個字一個都冇中。我行得正企得正，都唔夠你地同八鄉啲朋友咁熟，有說有笑，個個拎住碌棍，掂行掂過都冇事。

咁你仲叫我覺得送中冇問題？

最後，坦白講我覺得林鄭此人存在與否、下台與否已經唔重要。當佢講得出治安十分重要，而成功落實一國兩制對香港而言「甚至可以話至為重要」，呢句簡直就令我覺得佢係到向大眾暗示緊，對中國而言，管治香港、維護國家(即使只係一個國徽)嘅尊嚴，都比你地香港人重要。

咁你仲叫我覺得送中冇問題？