窮奢極侈。

我總覺得寵物節目不知所謂。當人都顧不到自己時，那裡來的錢幫寵物做按摩做護理？都算了，當係叫做有愛心的行為。

還有個甚麼可以贏錢的遊戲節目，口號係叫人為咗達成夢想就黎贏取獎金，我只係覺得，可唔可以唔好侮辱了「夢想」這個字？這個都算。起碼係真係有獎金送人。

最討厭是那種拎舊嘢出黎然後話佢點點點罕有點點點貴法，然後一齊食講句「雞有雞味」，又或者富貴享受介紹的節目，然後用字幕彈個銀碼出黎，然後一齊「嘩！」。完全就好似當年睇過某劇，睇住人地燒銀紙煲紅豆沙咁傻的嗎。

真是很不明白，何解日日都有人大喊著窮窮窮，電視台還是會繼續制作那一大堆除了享受就是花錢的節目？

我完全唔明白呢班人係到晒命的居心何在，是在向我們這些平凡人炫耀著，我們一晚所花費的，你地呢死窮撚一世都冇可能享受得到架，這樣？甚麼華麗明星甚麼特級豪華甚麼好很識嘆，要我地咬住咸魚睇你地食鮑魚，咪玩啦。杜拜又如何？我鬼有錢去咩？係呀全球最高XXXXXXX同全球最長XXXXXXX，威威子，然後呢？哦，掰。

我知道，這些節目都是因為有贊助而出現。也就是說，而這些節目都只得一個字︰錢。俗得要命，令人作嘔。

錢錢錢錢錢，好俗啊拜託，私人直升機，燕窩當晚餐，懶勁飲紅酒，這就是品味？都係果句啦，朱門酒肉臭。索性開多個豪華台，專比有錢人睇，一齊分享下燒錢心得豪宅跑車美女，我地J圖就夠，唔洗得登整個節目比我地呢班根本唔會幫襯嘅人睇。

睇膠劇都話可以笑下，睇呢啲真係開電視都覺得嘥電。